Padayon pa ang imbestigasyon sang Bureau of Investigation agud nga matumod ang ginhalinan sang kalayo kasunod sang sunog sa isa ka balaligyaan sang softdrinks sa Purok Masagana, Barangay Alijis, ciudad sang Bacolod, kaina sang udto.
Suno kay Amy Descalsuta, nagtuhaw ang kalayo alas-11:00 sang udto kag nagsinggit ang asawa sang isa ka empleyado nga nagabantay sa warehouse.
Ang nasunog amo ang Pepz Beverage Trading kon diin may naka-stock nga kinaha sang softdrinks.
Ang storage ang ginapanag-iyahan ni Mayor Jose Pepe Orlino sang ciudad sang Tanjay, Negros Oriental.
Nasunog ang lugar kun sa diin nagatinir ang mga empleyado sang amo nga establisyemento gani nasunog man ang kaha sang softdrinks.
Nakaangkon naman sang paso sa liog kag tuo nga kamot ang isa ka operator nga si Archie Susi, 49 anyos, taga-Negros Oriental.
Wala gid sini narekober ang cellphone kag kwarta nga gabalor sang P15,000 bangud siya ang napaso.
Ang sunog naglab-ot sa 1st alarm kag nadeklarar nga fire out pasado alas-11:00 sa udto.
