Ginpahayag sang presidente sang Bacolod City Public School Teachers Association nga nagakaigo lamang ang gipatigayon nga revision sa curriculum kasunod sang paglunsyar sang Kindergarten to Grade 10 curriculum.
Sa interview sang Bombo Radyo Bacolod kay Richard Gelangre, nagakadapat lang ang pagrevise sang curriculum bangud madamo sang dapat tun-an agud matumod kun ano ang kakulangan sang nasambit nga curriculum kag ini ang repasuhon.
Ulihi nga ginrepaso ang curriculum sang 2012, gani kinahanglan na sa karun sang revision.
Suno kay Gelangre, kapin 70 percent sa competencies ang ibuhin sa bag-o nga curriculum kun sa diin gikan 11,000 ka competencies ini ang mangin 3,000 competencies na lamang.
Ang curriculum ang magatutok sa lima ka mga subjects nga ginalakipan sang Language, Reading Literacy, Makabansa, Mathematics kag Good Manners and Right Conduct.
Nagalaom si Gelangre nga dako ang mabulig sang revision sa curriculum.
