Nagapanindugan si acting Punong Barangay Stella Dela Pena sang barangay 16 nga iya lamang gina-honor ang posisyon nga ginhatag sa iya.
Sa interveiw sang Bombo Radyo kay Dela Pena, humalin sang tinalikdan nga inadlaw matawhay ang barangay kag nagaka-kit an man sini si suspended punong barangay Joseph Delos Santos sa vicinity sang barangay hall kag wala man sang kinagamo.
Suno diri, siya ang nagapirma sang tanan nga clearances nga kinahanglan sang pumuluyo humalin sang siya ang ginbutang sa pwesto.
Iya ginapanindugan nga siya ang ginbutang bilang acting punong barangay sang Barangay 16 tubtob sa Pebrero 2024.
Pahayag ni Dela Pena wala naman ini sang complain kag padayon lang in nga nagareport sa barangay bilang acting Punong Barangay.
Aminado man ini nga may yara man siya sang indi maeksplekar sa ginapanindugan ni Delos Santos.
Dugang pa niya, dako ang iya respeto kay Delos Santos nga ginakabig sini nga ikatatlo na niya nga amay sa barangay 16 humalin sa pagpungko sini bilang kagawad.
Personal man ini nga nagpadala sang mensahe kay Delos Santos nga siya suportahan sa iya pagpadalagan sa maabot nga eleksyon.
Mensahe sini nga kun ano man sa karun ang nagakatabo sa Barangay 16, ila ini masolbar sa legal nga pamaaagi kag wala sang paghabuyanay sang malain nga esturya.
