Ginbisitahan ni Senate President Juan Miguel Zubiri ang ginaconstruct nga Bacolod Museum and Auditorium agud lantawon ang progress sang construction sini.
Kaupod ni Zubiri nga nagbisita sa infrastructure project sanday Bacolod City Mayor Alfredo Benitez kag Lone District Congressman Greg Gasataya.
74 percent na nga tapos ang construction sang proyekto nga ginpainan sang P320 million nga pondo halin sang tuig 2019.
Ginpromisa man ni Zubiri nga madugangan sang P100 million ang pondo agud nga matapos na sa masunod nga tuig.
Sa karon, ongoing man ang construction sang Bacolod Coliseum.
Sa press conference, ginpahayag sang Senate president nga pwede makahost diri sang events kag mangin venue sang field trips sang mga kabataan.// Nagaplano naman nga magbutang sang museum sang Bacolod kag Negros Artists sa ground floor sang building.
Ang pihak naman nga bahin ang para sa interactive museum kun sa diin may exhibit nga kaangay sang iban nga pungsod nga may interaction sa audience.
Nagbisita man si Zubiri sa Bacolod City General Hospital sa Barangay Vista Alegre kaina sang aga.
Si Zubiri ang nagtinguha agud nga makapain sang P450 million nga pondo para sa Bacolod City General Hospital.
