Magapakighinun-anon si Bacolod City Mayor Alfredo Benitez sa Civil Aviation Authority of the Philippines angot sa pagsirado sang dalan sa old airport nga nagaangot sa Barangay Singcang Airport kag Barangay Tangub.
Ang nasambit nga dalan ang ginalabayan sang mga motorista patabok sa runway sang old airport nga nagaangot sang ginconstruct sang ciudad nga dalan pakadto sa subdivision sa Barangay Singcang Airport.
Suno sa CAAP, ginsirado ang nasambit nga dalan bangud sa land dispute ukon inaway sa duta.
Sang damlag lang, ang Pamilya Lizares ang nagfile sang reklamo agud nga mabawi ang ila nga propiedad bangud nakasugtan sadto nga para lang ini sa airport use.
Suno kay Bacolod City Legal Officer Atty. Romeo Carlos Ting Jr., nagpanugyan ang CAAP sa Bacolod-Silay Airport nga magasulat liwat sa Central Office agud nga ila mareconsider.
Ang dalan ang ginpalabayan sang nagluntad ang pagbaha gani nagpanugyan ang mga ini nga mahingyo sa Central Office bangud indi sila makahatag sang approval.
Suno sa nasambit nga ahensya, indi mabuksan ang dalan bangud may yara sang land dispute.
Suno kay Ting, indi masemento ang dalan kun wala sang proper documents nga uyat ang city government angot diri kaangay sang legal expropriation order.
