Gin-abiso sang legal officer sang Land Transportation Franchising and Regulatory Board (LTFRB) 6 sa mga transport groups nga idiretso sa central office sang LTFRB ang ila petition sa saka sa plete agud matingob ini kag isahay ang proseso.
Sa interview sang Bombo Radyo kay Atty. Salvador Altura, wala pa sila sang may nabaton nga petition gikan sa mga transport group sa saka sa plete.
Suno diri, wala ini nakahibalo kun diin nag-file sang petition ang mga transport group apang abiso sini nga iderekta sa central office sang LTFRB ang ila petition nga kun may yara na sang naka-una nga nagfile sang kaangay nga peition, matingob ang tanan nga dokumento sa pagproseso.
Dugang pa niya, angay gid man nga sa central office ini ideretso bangod nga ang rate sang fuel, pang-national ang increase.
Pahayag ni Altura, indi man sini mahambal nga maayo nga solusyon ang saka sa plete bangod may yara man sang bahin diri ang national government sa pag-address sa fuel increase.
