Ginklaro man ni Mate Espina nga wala gid man sa plano sang Bacolod Yuhum Foundation nga mag-imbitar sang mga katapo sang media sa pagpresentar sang official logo, theme song kag activities sang MassKara Festival sa mga miyembro sang Sangguniang Panlungsod kagab-i.
Suno sa public relations officer sang Bacolod Yuhum Foundation, gintuon nila sa adlaw sang Sabado ang press presentation bangud mas matawhay ini nga adlaw agud nga makacover.
Suno kay Espina, indi sila makasabat sa mga pamangkot sang media sa presentation sa mga konsehal gani dapat separado nga adlaw ang press presentation.
Kun may nakasulod man nga vlogger suno sa iya, ini ang miscommunication sa ila nga bahin kag sila ang nagaregret angot diri, apang ang original press presentation ang patigayunon sa Sabado.
Suno kay Espina, wala siya sang nameet nga vlogger kagab-i nga indi niya kilala gani mahimo nga dala sang isa ka sponsor ang ginapahayag vlogger nga taga-Metro Manila nga magapromote man sang ila negosyo.
Suno diri, nakahibalo siya sang value sang media bangud nakahibalo ini sang extent sang influence sang mainstream media sa mga nagakatabo, gani kun may influencer man nagikan sa Metro Manila, ini ang dala sang isa sa mga sponsors.
Nagahanda man ini sang logo nga may high resolution kag final na gid ang theme song nga igapanagtag sa mga katapo sang media.
Suno kay Espina, ginhulat nila nga matapos ang presentation sa mga city councilors agud nga mafinalize na gid kag mahanda ang igapresentar sa media sa Sabado.
Aminado man ini nga kinahanglan nila sang erratum para sa tinaga nga gingamit nga LAUNCHING bangud presentation kag sponsors night lang ang natabo.
