Tatlo ka counts sang rape ang ginpasaka batok sa lalaki nga yara naman sa legal nga pang-edaron nga ginaalegar naghimulos sa isa ka 15-anyos nga dalagita sa Barangay Granada nga nagabusong na sa karon sang lima ka bulan.
Suno kay Police Major Joery Puerto, station commander sang Bacolod Police Station 5, kahapon ginfile ang kaso nga tatlo ka counts sang rape batok sa 24 anyos nga suspetsado.
Bulan sang Pebrero subong nga tuig, nagkilalahay sila sa Facebook kag nagkasugot nga makitaay in person agud nga maglagaw.
Sang nagkit-anay ang mga ini, gindala sini ang biktima sa kapahuan sa Barangay Granada kag ginaalegar nga ginhimuslan niya diri ang 15 anyos nga menor de edad.
Naghipos lang ang biktima gani wala ini nasugid sa mga otoridad.
Bulan sang Marso, naghingyo ang lalaki nga liwat sila nga makitaay apang nagbalibad ang babayi.
Ginblockmail sini ang biktima nga ipalapta niya sa social media ang mga litrato sang natabo sa ila agud nga siya ang mahuy-an gani nagpasugot nalang ang dalagita nga sila ang makitaay liwat.
Makaligad ang duha ka semana, liwat sila nga nagkitaay sa balay sang suspetsado kag didto naman siya ginhimuslan liwat tubtub nga ini ang nagbusong.
Tinalikdan nga semana, nagpadulong sa Police Station 5 ang biktima kag ang iya mga ginikanan bangud hilmunon na ang ginabusong sini kag kahapon natigayon ang pagfile sang kaso.
