Nakabaton sang cash incentives gikan sa provincial government ang mga medalist nga athletes sang Negros Occidental nga nagpartisipar sa Palarong Pambansa 2023.
Mismo si Governor Eugenio Jose “Bong” Lacson ang naghatag sang cash incentives sa mga players kag athletes.
P5,000 ang ginhatag sa nakakuha sang gold medal; P3,000 sa nakakuha sang silver medal kag P1,000 naman sa nakakuha sang bronze medal.
Kun record breaker naman ang atleta, ini nagbaton sang dugang pa gid nga P5,000.
Nakadepende kun pila ka medal ang nakuha sang athlete sa kun ka pila man ini hatagan sang cash incentive.
May yara man sang cash incentive nga ginhatag sa mga trainors kag coaches sang mga athletes.
Nagdangat sa kapin P677,000 ang tanan nga cash incentives nga nahatag sang probinsya.
Suno kay Lacson, dako ang bulig sang Negros Occidental sa numero sang medalya para sa Western Visayas kun sa diin nag number 2 ang region 6 sa overall ranking sa Palarong Pambansa.
Suno diri, second man ukon first runner up, isa na ini ka kadag-an.
