Ginalauman nga walo tubtob napulo ka bulan antes mahuman ang transition sang franchise sa Joint Venture Agreement sa tunga sang Central Negros Electric Cooperative kag PrimeElectric Holdings Incorporated nga pagatawagon nga Negros Electric Power Corporation ukon NEPC.
Suno kay CENECO acting general manager Atty. Arnel Lapore, bangod nga aprubado na ang pagkansela sang plebisito kag nalab-ot na ang required nga boto nga 50 percent plus one, igaproseso na ang transition sang franchise.
Iga-recommend sang National Electrification Administration sa kongreso ang paghatag sang franchise sa bag-o nga electric company nga tawagon nga Negros Electric Power Corporation ukon NEPC kag kun ini madayon ini maga-opearte sa sulod sang 25 ka tuig.
Apang posible naman nga magadangat sa walo tubtob napulo ka tuig ang proseso.
Suno kay Lapore, padayon sa gihapon ang operation sang kooperatiba sa pagpanubo sa system loss tubtob nga matransfer na ang franchise.
Samtang, ginpahayag ni Lapore para sa mga empleyado sang CENECO nga may kahangawa nga madulaan sang trabaho, pasalig sini nga sila sa gihapon ang prayoridad nga kuhaon bilang empleyado sang bag-o nga electric company.
