Nagapati si Bacolod City Administrator Atty. Pacifico Maghari III nga madamo sang nagabyahe sa ciudad nga mga colorum nga traditional jeepney.
Suno diri, santo sa datos sang LTFRB gikan sang tuig 2019, may yara sang 3100 ka mga registered traditional jeepney kun sa diin kapin 1600 lamang diri ang naka-issue sang Provisional Authority gani nagapati ini nga ang iban diri ang nagabyahe sang colorum nga traditional jeepney.
Suno kay Maghari, risgo para sa mga pasahero kag pedestrian nga kun may mahitabo nga aksidente wala sang may makuha nga insurance nagikan sa colorum nga traditional jeepney.
Santo sa latest memorandum circular tubtob na lamang sa Disyembre 31 ang byahe sang traditional jeepneys sa ciudad, nga suno kay Maghari lima na ka tuig ang nahatag nga extension sa pagpatuman sang modernization program sa transport sector.
Ang Bacolod bilang isa ka progresibo nga ciudad ang yara na sa masobra sa tunga nga porsyento sa numero sang modernized jeepney nga nagabyahe sa ciudad.
Apang, aminado man ini nga indi pa supesyente ang modernized jeep sa ciudad kag wala man sang may luyag nga mahalitan sa pagbyahe gani mahulat ini sa plano sang national government kag LTFRB, apang kun ano man ang mangin desisyon sang gobyerno, ini ang suportado sang ciudad.
