Nagdangat na sa kabug-usan nga 2,286 ang mga nakafile sang Certificate of Candicacy (COC) para sa Barangay and Sangguniang Kabataan Elections sa ciudad sang Bacolod humalin sang Lunes tubtob sang Huwebes, samtang wala pa nalakip ang numero sang nagfile kahapon.
Sa interview sang Bombo Radyo Bacolod kay Bacolod City Election Officer Atty Kathrina Trinio Caña, sa apat ka adlaw nakarecord sang 133 ka mga nagfile para sa pagpapili bilang Punong Barangay, 1,257 ka Barangay Kagawad, 128 ka Sangguniang Kabataan (SK) Chairman kag 668 ka SK Kagawad.
Kahapon aminado si Caña nga sa aga lamang madamo sang mga nagfile kag pipila nalang pagdangat sa hapon.
Nagalaom ini nga wala na naghulat pa sang last day, ukon subong nga adlaw ang mga magakandidato sa pagfile sang ila mga COCs.
Suno kay Caña, kaangay sa Bacolod City nga nagdangat sa 837 ang nagfile sang Lunes, nga amo ang pinakamadamo, kaangay man ang scenario sa bilog nga Pilipinas.
Apang aminado ini nga humalin sang 1st day, nagapabilin nila nga concern amo ang indi husto nga pagprint sa mga forms bangod wala nakasunod sa standard size, pila ka problema sa notaryo, indi kwalipikado nga litrato kag kulang-kulang nga pagfill-out sang mga pormas.
