100 percent na nga drug cleared ang 23 tanan ka barangay sa banwa sang E.B. Magalona.
Gin-anunsyar sang Philippine Drug Enforcement Agency- Regional Office (PDEA-6) nga ang duha ka bilin nga brangay ang drug clear naman.
Suno kay Police Major Kenneth Jay Gratones, hepe sang EB Magalona Municipal Police Station, ang duha ka barangay nga ulihi na-clear amo ang Poblacion 3 kag Barangay Alicante.
Sang Hunyo 16, gindeklarar sang PDEA nga drug clear na ang Poblacion 1 kag Barangay Consing kun sa diin 21 na gikan sa 23 ka mga barangay ang na drug cleared.
Dako man ang pagpasalamat ni E.B. Magalona Mayor Marvin Malacon, sa Philippine National Police, PDEA, municipal kag barangay officials, Municipal Anti-Drug Abuse Council (MADAC), Department of the Interior and Local Government, Barangay Anti-Drug Abuse Council (BADAC), Sangguniang Kabataan councils, Municipal Health Office, kag iban pa nga ahensya kag sektor sang E.B. Magalona nga nagtrabaho agud maclear sa illegal nga druga ang 23 ka mga barangays.
