Preparado na ang Department of Education Divison of Negros Occidental sa pag-abot ni Vice President kag DepEd secretary Sara Duterte kag senator Imee Marcos sa selebrasyon sang World Teachers Month subong nga adlaw sa Panaad Park and Stadium.
Sa interview sang Bombo Radyo kay Ian Arnold Arnaez, public information officer sang DepEd Division of Negros Occidental, sugod alas 12:00 sang udto, pagahugton ang security sa area sa ginalauman nga kapin alas 2:00 sang hapon maga-abot ang bise presidente kag senadora.
Suno diri, 3,400 lamang ka mga manunudlo nagikan sa nagkalain-lain nga distrito sa probinsya sang Negros Occidental ang ginpili para magtambong sa selebrasyon.
Pahayag ni Arnaez, limitado lamang ang oras sa pagtinir sang mga bisita gani pa-iguon sa sulod sang isa ka oras ang main event sang programa.
Luyag naman sini nga mas magfocus na lang sa selebrasyon kag ipaiway ang mga problema kag isyu kasubong man nga ginalauman sini ang mensahe sang sekretarya sang Department of Education.
Sa presensya pa lamang ni Vice President Duterte kag senator Marcos, ini nagapakit nga yara gid ang DEPED national office kag national government para magsuporta sa mga manunudlo.
Samtang, 100 percent na nga handa ang 345 ka mga personnel naggikan sa Bacolod City Police Office kag Negos Occidental Police Provincial Office sa pag-secure sa area sang Panaad kag Bacolod Traffic Auhtority Office para sa matawhay nga byahe sang convoy sang mga bisita.
Paga-ekspektaran man bwas ang signal jamming.
