Isa ka Police Commissioned Officer kag 258 ka Police Non-Commissioned Officer ang temporaryo nga ginrelieved sa assigned offices bilang pagsunod sa Omnibus Election Code sa palaabuton nga Barangay kag SK Elections sa bulan sang Oktubre subong nga tuig.
Sa interview sang Bombo Radyo Bacolod kay Police Captain Judesses Catalogo, spokesperson sang Negros Occidental Police Provincial Office, isa si Silay City Police Station Chief of Police Police Lt. Col. Mark Anthony Darroca sa ginrelieve kasunod sang non partisan nga pagsulundan sang Philippine National Police sa tion sang piniliay.
Si Darroca ang temporaryo gin-assign sa headquarters sang Negros Occidental Police Provincial Office samtang ang 258 naman ka mga PNCOs nga ginrelieve ang iga-assign sa duha ka mga LGUs gikan sa current assignment sang mga ini sa karun.
Temporaryo nga nagaserbe bilang officer in charge sang Silay City Police Station amo si Police Major Rhea Sarah Villanueva, deputy chief of police sang Silay City Police Station.
Suno kay Catalogo, igabalik man ang mga ginrelieve nga PNCOs kag police officer sa ila nga assignments sa tion nga matapos na ang piniliay.
Suno diri, ang pagrelieve sa mga kapulisan ang agud man maprotektahan ang sang sanguinity kag ang sitwasyon sang Barangay and SK elections.
