31 ka estudyante sa banwa sang Binalbagan, gindala sa ospital kag health center matapos magsuprer sang hyperventilation

Hyperventilation ang ginatudlo nga rason sang pagkalipong sang 31 ka mga estudyante sa duha ka mga eskwelahan sa Brgy. Payao, Binalbagan, Negros Occidental sang Biyernes sang aga.

Sa interview sang Bombo Radyo Bacolod kay Police Major Randy Babor, hepe sang Binalbagan Municipal Police Station, ang mga estudyante nga nagkalalipong ang nagikan sa Payao National High School kag isa ka pribado nga eskwelahan.

Suno kay Babor, hyperventilation ang ginpahayag sang doctor nga rason sang pagkalipong sang pila ka mga estudyante matapos nga gindala sa Binalbagan infirmary.

Ang iban ang wala naman gindala sa infirmary matapos nga naumpawan man kag nakapahuway.