Siyam tanan ka colorum nga jeep ang nadakpan sang Land Transportation Office sa Bacolod kadungan sang una nga adlaw sang pagpangdakop sa mga depampasahero nga salakyan nga nagabyahe nga wala sang nagakaigo nga prangkisa.
Suno kay Riza Otayde, public information officer sang LTO Region 6, nagsugod kahapon ang operation matapos ang mandu sang assistant secretary sang Department of Transportation nga iintensify ang operation batok sa colorum nga mga salakyan.
Suno kay Otayde, siyam ang nadakpan nga colorum sa ciudad sang Bacolod kahapon kag kalabanan nga nadakpan ang mga traditional jeepeneys.
Ang siyam ka jeep ang iga-impound sa LTO Bacolod sa sulod sang tatlo ka bulan kag magabayad sang multa ang operator antes ini magawad.
photo ctto
Sa siyam nga nadakpan, tatlo ang nagabyahe nga pribado ang registration kag may yara sang expired ang prangkisa apang nagabyahe.
May nagabyahe sa ila sang Tangub Central Market, Taculing Central Market kag Sum-ag Central Market.
Suno sa driver sang jeep nga pribado ang prangkisa, nagapasimpalad ang mga ini bangud mabudlay magproseso sang prangkisa.
Suno kay Otayde, ginadakop ang colorum nga jeep bangud wala gid sang lagas diri ang pasahero kun may malain nga matabo.
Santo sa guidelines, P120,000 ang multa sa colorum nga jeep, P200,000 sa van, P6,000 sa tricycle kag P1 million sa colorum nga bus.
Pila naman ka operator ang nagpadulong sa LTO kaina sang aga agud nga mag-inquire kun pila ang multa kag diri lang nila nahibaluan kun pila ang balayran.
Iya naman gin-athag nga indi lang jeep ang ginadakop kundi tanan nga sahi sang colorum nga salakyan.
