Naaresto apang nakapyansa ang Punong Barangay sang Barangay San Jose, ciudad sang Sipalay matapos makumpiskaran sang armas-luthang sa Sitio Cubay Barangay Bulata, banwa sang Cuayan.
Sa gun buy bust operation nga ginpatigayon sang Criminal Investigation and Detection Group- Bacolod, arestado sanday Marlon Canillo, 59 anyos, kasado, Punong Barangay sang Barangay San Jose sang Sipalay City; Jojo Tagacay, 41 anyos, mamumugon, lunsay mga residente sang nasambit nga lugar kag Jose Chito Villagracia, 33 anyos, kasado, habal-habal driver kag residente sang Barangay Baclao, banwa sang Cauayan.
Nakumpiskar sa tatlo ang isa ka unit sang Cal. 45 submachine gun, duha ka long magazine sang Cal 45 kag pito ka Live ammunition sang Cal. 45.
Naaresto ang tatlo ka suspetsado apang nakapyansa kag nakagwa si Canillo samtang ang duha naman yara sa gihapon sa kustodiya sang CIDG- Bacolod.
Magapangatubang sa kaso nga paglapas sa RA 10591 ukon Comprehensive Firearms and Ammunition Regulation Act kag COMELEC Gun Ban Resolution No. 10918 ang mga suspetsado.
