Ginkalipay sang gobernador sang Negros Occidental ang pagka-aresto sang mga suspetsado nga imbulbado sa hijack me incident agud nga makawat ang 1,000 ka sako nga kalamay nga gin-order gikan sa BISCOM Sugar Central sa banwa sang Binalbagan.
Napasakaan na sang kaso ang apat ka mga suspetsado nga ginalakipan sang mga drivers sa duha ka wing van nga ginkilala kanday Michael Orquin sang Cadiz City kag Jhujiet Arsenio sang Barangay Dapitan, Pototan, Iloilo kasubong man ang gwardiya sang warehouse nga gindagdagan sang kalamay sa Purok Malipayon, Barangay Busay, Bago City nga si Boy Salmayor kasubong man si Poloy Veraguas nga amo ang nagpanawag sang mga tawo agud magdiskarga sang kalamay sa bodega.
Ginkalipay ni Negros Occidental Governor Eugenio Jose Bong Lacson ang madasig nga trabaho sang otoridad sa pagsolbar kag pag-aresto sa mga suspetsado.
Bisan ini nagakwestyon kun ano bala ang nagsulod sa huna-huna sang mga suspetsado nga kawaton ang 1,000 ka sako sang kalamay kag kun diin ini ayhan nila tago-on.
Samtang, panugyan ni Lacson sa sugar central nga magfile sang kaso batok sa mga suspetsado.
