Alkalde sa Bacolod, nag-athag nga towing kag indi clamping ang ipatuman sa mga magalapas sa No Parking Zone sa mga Festival sites

Ginklaro ni Bacolod City Mayor Alfredo Albee Benitez nga indi clamping, apang towing ang iga-implementar sang ciudad para sa mga nagapark sa No Parking Zone sa Festival sites.

Suno kay Benitez, kun ano ang road closure nga ginpatuman sang nakaligad nga Masskara Festival amo man ang ginpatuman subong.

Suno diri, may mga drones nga ginpalupad ang ciudad para makita ang sitwasyon sang trapiko agud mahibaluan kag mahatagan sang solusyon ang problema sa dalanon.

Gin-athag ni Benitez, nga wala na sang clamping apang gilayon na nga I-tow ang mga salakyan kag motorsiklo nga nagapark sa No Parking Zone.

Ini agud indi maggutok ang dalan ukon area sa ciudad nga venue para sa Masskara Festival 2023.

May nakahanda naman nga tow truck ang ciudad.