58 ka mga salakyan nga ang driver ang nagviolate sa No Parking Zone sa Dalan Lacson, ciudad sang Bacolod ang nadakpan sa una nga adlaw sang implementasyon sang Clamping and Towing Ordinance kahapon, Oktubre 9.
Suno kay Police Major Junji Liba, pinuno sang Bacolod Traffic Authority Office, 14 ang nadakpan kahapon nga gintow.
Ini ang ginalakipan sang tricycle, motorsiklo, sedan kag delivery truck.
44 naman ang kabug-usan nga nagpark sa no parking zone nga ginclamp apang nasettle nila gilayon paagi sa pagbayad sang multa gani wala na nadala sa impounding area ang ila salakyan.
Ginpanginwala man sini nga may food cart nga gintow, baliskad sa ginhimuan sang meme nga nagalagaw sa social media nga sobra-sobra na ang pagpangdakop paagi sa towing kag clamping.
Suno diri, nakaintindi naman ang nakakita kun ini ang may kamatuoran ukon wala.
Suno kay Liba, halin pa lang sang ginpatigayon ang information dissemination, madamo na ang naghimo sang kaangay nga meme kaangay sang mga nagkwestyon sa kalidad sang clamping equipment.
Panindugan sang BTAO head, indi kalidad sang clamping tools ang ginaistoryahan diri kundi ang pagpasiguro nga wala sang may nagapark sa no parking zone.
