Lima ka mga aktibidad ang dululungan nga ginlunsyar kahapon sa nagkalain-lain nga bahin sang ciudad sang Bacolod may kaangtanan sa Masskara Festival 2023.
Magluwas sa Bacolod City Public Plaza, Bacolod City Government Center kag SM City Bacolod, ginbuksan naman kahapon ang festival venue nga Upper East Megaworld kag Bacolod Old Airport.
Alas-4:00 kahapon sang hapon, ginpatigayon ang SuperCity MassKara AWESM Bacolod Runway 2023 kag MassKara Fantasy Costume Parade sa Bacolod Old Airport.
Samtang ginpatigayon man ang opening sang MassKaNamit Food Exploration Festival kag MassKaAuto Car Meet sa Upper East, Megaworld alas-5:00 sang hapon.
Sa alas-6:00 sang gab-i, ginpatigayon naman ang Miss Bacolod Masskara: Corporate Awards sa SM City Bacolod.
Magluwas sa nasambitan nga mga events, isa man ka sporting events ang napatigayon.
Ini ang 2nd Mayor Albee Benitez Masskara Golf Cup nga ginpatigayon sa Negros Occidental Golf and Country Club.
Samtang kahapon, ginsaulog man ang Employee’s Day sang Bacolod City Government Employees Union sa Bacolod City Government Center.
