Tuman naman ang kakulba sang isa ka residente nga nagapuyo malapit sa area nga ginluntaran sang engkwentro sa tunga sang 79th Infantry Battalion sang Philippine Army batok sa gina-alegar New People’s Army kahapon, kapin alas 4:00 sang hapon.
Sa interview sang Bombo Radyo kay Tatay Wilfred, nga isa ka NPA surrenderee, kahapon pasado alas 4:00 sang hapon, samtang nagalantaw ini sang TV, hinali lang ini nakabati sang linupok kag pasado alas 7:00 sang gab-i, liwat na naman nabatian ang linukpanay.
Suno diri, may yara lamang sang apat ka panimalay malapit sa encounter site kag nagapati man ini nga wala sang armado nga grupo sa lugar.
Tuman ang kakulba sini sa mga nabatian nga lupok nga wala man ini may makita kun diin naghalin.
Para kay Wilfred, indi mahambal nga encounter ang nagluntad apang ini kaangay nga may raid nga natabo santo sa iya nabatian nga lupok nga kaangay sang lupok naggikan sa mga high powered firearms.
