Napasar ang resolusyon nahanungod sa pagpasanyog pa sang garbage collection sa ginpatigayon nga session sang Sangguniang Panlungsod karun nga nagapadayun ang Masskara Festival 2023.
Sa interview sang Bombo Radyo Bacolod kay Councilor Em Ang, ang author sang resolusyon, ginpanugyan sini nga dapat updated ang koleksyon sang basura sa ciudad.
Ini matapos isa ka Masskara Festival sponsor ang nagpadangat sang reklamo sa iya talatapan nahanungod sa mga naganilapta kag nagatangkas nga mga basura.
Suno sa konsehak, iban diri ang gikan sa suludlon nga mga Barangay kag wala nakolekta sang IPM Construction and Development Corp., ang gabage collector sa ciudad.
Pahayag ni Ang nga ini ang nakita bangod sa pagpatigayon sang rerouting sa pila ka bahin sang mga dalanon kag ang mga nasambitan nga mga basura ang nagakalabayan sang mga bisita.
Bombo file photo
Pahanumdom sang konsehal nga ini ang dako nga impact sa atun pagpagpromote sang Bacolod City sa mga turista kag VIPs nga nagpadulong subong nga Masskara Festival 2023.
Apang paathag ni Ang nga magluwas sa IPM, responsibilidad sang tanan nga pumuluyo nga mangin matinlo sa palibot partikular na sa mga festival venues.
Pahanumdom sang konsehal nga mas maayo nga I-obserbar ang “clean as you go” partikular na sa mga food kiosks, kag madamo man sang mga nakahamtang nga nakaplastar sa palibot sang ciudad nga mahimo habuyan sang basura.
Dugang pa ni Ang nga ang kooperasyon sa pagkamatinlo ang indi lamang dapat buhaton bangod Masskara Festival kundi dapat makabahin na sa atun pagginawi.
