Limitado lamang sa 4,500 ang numero sang makasulod sa Paglaum Sports Complex para sa palaabuton nga Masskara Arena Dance Competition sa Domingo, Oktubre 22.
Suno kay Mate Espina, public relations officer sang Bacolod Yuhum Foundation, sa 4,500, 400 diri ang para sa mga VIPs kag ang nabilin naman ang para sa mga tumalan-aw.
Suno diri, libre ang paglantaw sa event apang may ticket sa gihapon nga ihatag agud makontrolar ang numero sang tumalan-aw kag ini mangin first come first served basis.
Ang mga ticket ang ipanagtag sa mga barangay kag didto na kuhaon sang mga luyag nga maglantaw.
Samtang, may yara na sang natalana nga anum ka judging areas para sa Massakara Street Dance Competition.
Samtang, kumpirmado naman ang pag-abot ni First Lady “Liza” Araneta Marcos kag mga senador kaangay na lamang nanday Senator Lito Lapid kag Senator Francis Tolentino para magtambong sa event sang Masskara Electric Float Competition.
