Magapauli sang gold kag bronze medal ang pila ka mga representante gikan sa University of Negros Occidental – Recoletos (UNO-R) para sa Women’s kag Men’s 4×100 meter relay sa ginpatigayon nga Philippine ROTC Games 2023 National Championship.
Nakuha sang 100 meter dash, 4×4, women’s category nga ginarepresentar nanday Ciara Largavista, Jeazel Talaver, Angelica Bacaro kag Marla Jean Bacaro ang bulawan nga medalya.
Samtang nadag-an naman nanday David Paul Balagat, Romeo Constancio, Christian Sericon kag John Lloyd Moreno ang bronze medal sa 100 meter dash, 4×4, men’s category.
Ang team ang ginapangunahan nanday Staff Sgt Jouie Pepito sang Philippine Air Force kag Major Rene Piabol samtang sanday Ernesto Peraren kag Christel Pasaylo naman ang nagaserbe nga coaches.
Ang pahampang nga ginpatigayon sa Cuneta Astrodome sa Pasay City ang ginrepresentar sang mga ROTC cadets sa Reserve Officers’ Training Corps (ROTC) gikan sa mga major branches sang Philippine Air Force, Philippine Army and Philippine Navy halin sa mga unibersidad sa Luzon, Visayas, Mindanao kag National Capital Region.
Ang pahampang nga may tema “Tibay at Galing Pagyamanin, Suportahan Palarong ROTC Natin” ang ginalakipan sang mga sporting events nga Arnis, Athletics, Basketball, Boxing, Kickboxing, Volleyball, kag E-Sports.
