Temporaryo nga magatinir sa barangay hall ang mga biktima sa nagluntad nga sunog sa Cinco de Noviembre Street, Purok Ilimnan, Barangay 3, ciudad sang Silay, kapin alas-10:00 kahapon sang aga.
Sa interview sang Bombo Radyo Bacolod kay Punong Barangay Henry Domin Jr. sang Barangay 3, Silay City, anom tanan ka balay ang apektado nga ginalakipan sang apat nga totally damaged kag duha nga partially damaged.
Pahayag sini nga suno sa initial assessment sang Bureau of Fire Protection (BFP) – Silay City, ang sunog ang gintuga sang isa ka katol nga wala mapatay kag madasig nga naglapta ang kalayo bangod sa human sa light materials ang mga pamalay.
Suno diri, wala sang tawo ang nasambitan nga balay, kag ginapakamaayo na lamang nga wala sang nasamaran sa insidente.
Paathag ni Domin nga samtang wala pa sang ma-estaran ang mga biktima, sila ang temporaryo anay nga magatinir sa duha ka available nga kwarto sa Barangay Hall.
Ginpasalig pa sini nga indi magapabaya kag magabulig ang Barangay sa mga nasunugan.
