Nagdagsa kagab-i ang mga tawo nga nagbisita sa ila minatay sa Burgos Public Cemetery para sa All Souls’ Day.
Kagab-i nagnubo sa kapin P50 ang presyo sang mga bulak nga ginabaligya sa entrance sang Burgos Public Cemetery.
Sa interview sang Bombo Radyo kay Nanay Terrry nga nagabaligya sa cemetery, ang iya kandila nagabalor sang P5, P10 kag P20 samtang ang ginabaligya naman sini nga bulak nga anay tag P100 kag P150 pesos nagnubo na sa P50 kag P100.
Ini agud mahingagaw pa sini baligya ang mga bulak.
Suno diri kun may yara sang sobra sa bulak nga ila ginabaligya, ila ini ginahalad sa ila man himata nga nagtaliwan na.
Samtang, tubtob na lamang sila kagab-i sa pagbaligya sa sementeryo santo man sa permit nga ila nakuha.
Samtang, suno naman kay Irene Barbina, kagab-i ini nagpadulong sa Burgos Public Cemetery para magsindi sang kandila.
Suno diri, nangin matawhay ang pagsindi sini kaupod ang iya pamilya.
Samtang, wala naman sang ano man nga kinagamo nga nagluntad sa Burgos Public Cemetery.
Sa interview sang Bombo Radyo kay Police Staff Sergeant John Tandugon nga nagabantay sa sementeryo, matawhay ang sitwasyon sa cemetery kag wala sang ano man nga dalagko nga problema nga nagluntad.
Suno diri, wala sang ano man nga nakumpiskar nga mga bagay nga indi pwede madala sa sementeryo bangod napahibalo naman ang mga tawo kun ano ang ginadumilian nga bitbiton.
Samtang, as of 8:40 kagab-i mahawan na ang dalanon sa San Juan Street kag Gonzaga street kasubong man ang Bacolod Public Plaza sang mga nagabaligya sang bulak kag kandila.
