Magapatigayon sang labor solidarity forum sa maabot nga labor day sa Mayo 1 ang labor group nga General Alliance Workers Association ukon GAWA bangud sa kainiton sang panahon.
Suno kay GAWA Secretary General Wennie Sancho, indi na sila magmartsa bangud tuman na kadelikado ang tuman kainit nga panahon sabaylo magapatigayon lamang sang labor solidarity forum kaupod ang iban nga grupo kaangay sang Power Watch.
Suno kay Sancho, sa administrasyon ni Marcos, wala nabatyagan ang pagbag-o sa sitwasyon sang mga mamumugon.
Suno diri, wala sang natabo nga alleviation kag emancipation sa labor sector kag dako man nga palamangkutanon man sini kun ano na ang update sa hagna nga P100 nga daily wage increase nationwide.
Ginpahayag man sini nga wala sang satisfaction nga nabatyagan ang mga mamumugon bangud indi living wage ang nabaton sang mga ini kundi starvation wage.
Nagpanawagan man ini sa gobyerno nga talupangdon man ang terms and conditions sang mga mamumugon ilabi na subong nga tuman ang kainit sang panahon.
Suno kay Sancho dapat nga siguruhon sang mga employer nga may yara sang mainum nga tubig ,heat allowances kag siguruhon man dapat nga may yara sang security of tenure ang mga mamumugon.
Ginpahayag man sini nga apisar nga mapasar man ang wage increase indi man ini malauman nga ipatuman ini gani kanugon lang.
