Wala sang dapat nga kabalak-an ang mga pumuluyo sa probinsya sang Negros Occidental apisar nga may yara naman sang bag-o nga variant ang COVID-19 kag ini ang FLIRT variant.
Sa interview kay Dr. Girlie Pinongan, provincial health officer sang Negros Occidental, ginapasurvey sa karun sa mga local health officers sang tagsa ka mga Local Government Units sa probinsya ang mga lugar nga posible mangin quarantine kag treatment facilities sang mga matapikan sang virus.
Samtang gina-abisuhan naman ang tanan nga mag-obserbar sang precautionary measures kag magsuksok sang facemasks.
Nagpanugyan man ang Provincial Health Office sang probinsya sa mga pumuluyo nga kun may yara sang ginabatyag mag-isolate sa balay ilabi na sa karun nga nagbaylo na ang tiyempo.
Ginpahayag man sini nga ang mga COVID vaccines ang tsekyaron man ang availability bangud naman nagbaton ang mga city kag municipalities bangud wala naman sang nagpabakuna.
Wala pa man sang advisory ang Department of Health angot FLIRT variant sang Covid-19.
