Nagdangat sa 184 ka Persons Deprived of Liberty (PDL) nga nakahunong sa Bureau of Jail Management and Penology (BJMP)-Handumanan ang nakagraduate sa Alternative Learning System sang Department of Education (DepEd).
Sa interview sang Bombo Radyo Bacolod kay Jail Superitendent Abner Zamora, Jail Warden sang Bureau of Jail Management and Penology (BJMP) Handumanan, ang mga graduates ang ginabug-usan sang 157 ka mga lalaki kag 27 ka mga babayi.
Ang mga ini ang naggraduate sa Elementary kag Junior High School.
Suno kay Zamora, ang graduation ang ginpatigayon sa covered court sang BJMP-Handumanan kag ang mga pamilya sang mga graduates ang nagtambong sa graduation.
Mensahe ni Zamora nga ang edukasyon ang magamit sang mga PDLs nga armas sa pagbato sa kaimulon kag ini man ang makautod sang stigma kag nagapakita nga bisan ano pa nga edad ang sarang makakuha sang edukasyon.
