Mas ginpahugot pa ang pagbantay batok sa paggamit sang performance-enhancing drugs sa nagahilapit nga Paris Olympics 2024.
Plano sang International Testing Agency (ITA) nga magdeploy sang high-tech approach sa pag-identify kag pag-target sang mga pagpangdaya.
Suno kay Benjamin Cohen, director general sang ITA, ang paggamit sang artificial intelligence ang makabulig man sa pag-imbestigar.
May yara man sang gintukod nga investigative unit nga ginalakipan sang mga whistleblowers kag mas ginpasanyog pa gid ang pagpakig-angot sa kapulisan.
Suno kay Cohen, una nga gintukod ang ITA sang 2018 kag ini ang nagapatigayon sang anti-doping program para sa Olympics.
Dugang pa sini, sila ang magapatigayon sang close monitoring sa mga athletes.
Sa Games, ang mga medalists lamang ang gilayon nga gina-test, apang luyag sang ITA nga matarget ang potential dopers antes matapos ang event.
