Patay ang 46 anyos nga lalaki nga ginluthang samtang nagasakay sa motorsiklo sa Brgy Pilar, banwa sang Hinigaran, Negros Occidental, kaina, alas- 12:30 sang kaagahon.
Sa interview sang Bombo Radyo kay Police Lt. Col Eduardo Corpuz,hepe sang Hinigaran Municipal Police Station, nagabyahe ang biktima nga si Kim Barcona, wala sang trabaho, kag residente sang nasambit nga lugar sang hinali lang ini nga gintiro sa likod sang wala makilal-an nga mga suspetsado.
Suno diri, sa inisyal nga imbestigasyon, nag-agom sang igo sa likod si Barcoma kun sa diin naglapos sa dughan sini ang bala.
Suno kay Corpuz, duha ang ginalantaw nga person of interest kag santo sa ila inisyal nga imbestigasyon, gilayon nga naglakat palayo sa area ang mga suspek sa ginapatihan nga may nagahulat nga salakyan sa ila para magpalagyo.
Samtang, sa inisyal naman nga imbestigayson kay Barcoma, ini ang ginapatihan nga isa ka drug user kag pusher kag ginatutokan ang posibiliad nga ini ang may utang nga wala nabayaran angot sa illegal nga druga.
