Sa kadam-an ang pag-angkon sang madamo nga nobya kag asawa ang indi maayo apang paano kun paagi sini makahimo ka sang pinasahi nga record?
Sa Japan may isa ka lalaki nga ginkilala kay Ryuta Watanabe, 36-anyos kag residente sang northern prefecture sang Hokkaido, Japan ang gusto gid kilalahon bilang “god of marriage.
Suno kay Watanabe nga nagbatyag ini sadto sang depression kag ginbayaan ini sang iya nga nobya kag ini ang nagtulod sa iya nga magpangita sang bag-o nga mga babayi paagi sa anay applications.
Bangud sini sa karun may apat ka mga asawa kag duha ka mga nobya kag bisan yara pa lamang sa 30s ang edad sini, may yara na sang napulo ka mga kabataan.
Ang mga babayi nga gina-upod ni Ryuta ang makabig nga common-law in nature bangud illegal sa Japan ang polygamy.
Ginakilala sila nga magpartner kag ginapahayag nga nakasal ang mga ini apang wala lang sang formal registration.
Wala man sang trabaho si Ryuta sa sulod na sang isa ka dekada kag nagasalig lang siya sa mga sweldo sang iya ginakabig nga mga asawa.// Agud nga makabulig, siya ang nakatuka sa mga ulubrahon sa sulod sang balay kag pagtatap sa mga kabataan.
Nagdangat ang ila expenses sa 914,000 yen (P350,000) kada bulan apang wala ini sang problema bangud ginatunga-tunga ini sang iya mga asawa kag mga nobya.
Ginpahayag man ni Ryuta nga nanamian gid siya sa mga babaye, kag wala man sila sang problema basta nagapalanggaanay lamang sila.
May yara man sang kaugalingon nga kwarto ang tagsa ka mga babayi sa kabuhi sini.
Pursigido man si Watanabe nga lab-uton ang handom sini nga makaangkon sang dako nga pamilya apisar nga madamo man siya sang nabaton nga kritisismo.
