Ginakwestyon ni former President Rodrigo Duterte kun ngaa wala pa nakafile ang Department of Justice sang kaso criminal batok sa iya apisar nga madugay na ini nga nagapamatay.
Sa una nga adlaw sang Senate Blue Ribbon sub-committee probe natuhoy sa drug war, ginpahayag ni Duterte nga nagakatingala ini kun ngaa tubtob sa karun wala pa nagfile sang kaso ang Justice Department apisar nga madugay na ini nga nagapamatay ang tawo.
Ini ang sabat ni Duterte matapos nagpanawagan si Senate Deputy Minority Leader Risa Hontiveros sa DOJ nga i-take note ang pag-ako sang anay Presidente sa imbestigasyon ang Senado.
Suno sa iya, indi na dapat magdrama kag dapat nga tapuson na ang istorya kag ang ginsugo lamang sini amu nga patyon ang mga criminal kag indi inosente.
Ginpanginwala man sini ang mga pahayag ni retired Police Colonel Royina Garma sa House Quad Committee nga magpangita sang isa ka miyembro sang Iglesia ni Cristo nga maka-implementar sang drug war sa national level.
Matapos ang ila pagsabtanay ni Hontiveros, ginsuspende ang session kag sang nagresume ang hearing, gin-excuse na si Duterte sa imbestigasyon.
