Preparasyon sa mga kalamidad tuga sang climate change, pasanyugon pa sang Marcos Administration

Nagpasalig si President Ferdinand Marcos Jr. nga mas ginapasanyog sang iya administrasyon ang pagpreparar para sa makusog nga mga kalamidad nga gintuga sang climate change.

Suno kay Marcos, pagasiguruhon sang gobyerno nga doble kag triple pa ang preparasyon kag paghalong sa atubang sang mga kalamidad ilabi na sa mas nagakusog nga climate change.

Nagpanawagan man ini sang utilization sang available resources kag knowledge materials kaangay sang geohazard maps agud masiguro ang public safety sa tunga sang mga kalamidad.

Suno diri, iya ginahangkat ang tanan nga gamiton ang ila mga ikasarang, materyales kag pondo agud mas mangin preparado ang pungsod sa anuman nga kalamidad nga magaabot.