Nagapadayon pa ang imbestigasyon sang Isabela Municipal Police Station agud nga mahibaluan kun may foul play sa kamatayon sang isa ka police nga nasapwan nga patay na sa banwa sang Isabela kaina sang aga.
Narecover man kun sa diin ini nasapwan ang issued service firearms sang biktima.
Nagtambong pa ang biktima sa meeting kaina sang aga kag wala man sang indikasyon nga may yara sang ginatago nga problema ang biktima bangud nagakadlaw man ini.
Hungod nga wala ginhingadlan ang biktima bangud nagapadayon pa ang imbestigasyon kag ini ang naga-edad sang kapin 30 anyos.
Nagpauli ang biktima pagkatapos sang gintambungan nga meeting.
Ginapahayag man nga wala man sang karelasyon ang biktima.
Kaupod sang biktima sa balay ang utod sini apang may ginbakal ini kag pagbalik nakita sini nga wala na sang kabuhi ang biktima.
Sa karun padayon pa ang imbestigasyon sa insidente agud nga mahibaluan kun ano ang rason sang kamatayon sang biktima kag kun may yara sang foul play kag ang rason sa kamatayon sang biktima.
