P3.4 million nga balor sang suspected shabu ang nakuha sa duha ka mga babayi sa ginpatigayon nga drug buybust operation sang Bacolod City Police Station 2 sa Purok Pagla-um, Brgy. 17, Bacolod City alas 12:37 ang takna kaina sang kaagahon, December 30.
Ginkilala ang mga nadakpan nga sanday Antonette Padilla y Dequiña, High Value Individual, 37 anyos, babayi, single, unemployed kag residente sang Galo Ramos St., Brgy. 22, Bacolod City kag Shayne Marie Ocbina, Street Level Individual, 35 anyos, babayi, single, unemployed kag residente sang 472 Duyungan St. 1-B, Manapla, Negros Occidental.
Nakuha sa paghinakop sang mgaioni ang isa ka genuine one thousand peso bill bilang buy-bust money; Fifty-five bilang boodle money; isa ka sling bag, isa ka coin purse kag siyam ka sachets sang suspected shabu.
Ang suspected shabu nga nakumpiskar ang nagabug-at sang kapin 500 gramas nga may standard drug price nga Php 3,400,000.00.
Ang mga nagkaladakpan ang nakahunong sa Bacolod Police Station 2 kag magapangatubang sang kaso nga paglapas sa RA 9165 ukon Comprehensive Dangerous Drugs Act of 2002.
