Ginreport sang National Disaster Risk Reduction and Management Council (NDRRMC) sang Biyernes nga lima ka mga persona ang nagkalamatay, 20 ang injured kag duha ang missing bangud sa severe weather conditions nga gintuga sang Intertropical Convergence Zone (ITCZ) kag Shear Line.
Sa NDRRMC bulletin, ang mga casualties ang narekord sa Regions II, IV-A, IV-B, V, VIII, kag XI.
Sa kabug-usan, 436,164 ka mga indibidwal ukon 139,000 ka pamilya ang naapektuhan sang malain nga tiyempo.
Nalakip sa mga ini ang 549 ka pamilya ukon 2,366 ka mga indibidwal ang nagatinir sa 29 ka mga evacuation centers.
Ang indi maayo nga tiyempo ang nagtuga sang dako nga infrastructure damage, kun sa diin isa ka power interruption ang nareport, 39 ka mga dalanon kag anum ka mga taytay ang indi malabyan sa mga apektado nga mga areas.
Ang estimated cost sang halit ang nagdangat sa P215.7 million kun sa diin 698 ka mga pamalay ang partially damaged kag 394 ang totally damaged.
