Ginaduso liwat ni Senator Loren Legarda ang food security kasunod sang mga report nga pagsaka sang hunger rate sa Pilipinas.
Nagakabalaka si Legarda sa report nga nagapakita sang pagsaka sang level sang kagutom sa mga Pilipino sa bug-os nga pungsod nga ginapahayag pinakamataas humalin sang nagsugod ang COVID-19 sang 2020.
Santo sa survey nga ginpagwa sang Social Weather Stations (SWS), Enero 14, 25.9 percent sang mga Pilipino ang nagpahayag nga nakaeksperyensya ang mga sang kagutom sa nakaligad nga tatlo ka bulan.
Narecord sa Mindanao ang pinakamataas nga level sang kagutom nga nagdangat sa 30.3 percent, nagasunod diri ang Luzon nga may 25.3 percent, Visayas nga nakarecord sang 24.4 percent kag Metro Manila nga may 22.2 percent.
Bangud sini, nagpasalig si Legarda nga magapadayon ini sa paglunsyar sang mga programa nga nagtuyo nga solusyonan ang kakulang sa pagkaon kag iduso ang ‘sustainable’ nga sistema sang pagkaon.
Ginpaathag man ni Legarda ang importansya sang ‘whole-of-government approach’ agud nga masiguro ang mas maayo nga access sang mga Pilipino sa masustansiya nga pagkaon kag mabuhinan ang paguyang sini.
