Good news sa mga motorista….
Nagpatuman sang pagnubo ang presto sang produktong petrolyo subong nga adlaw, apang indi naman bastante nga malapawan ang price hike nga ginpatuman sa nagligad nga tatlo ka semana.
Sa separado nga advisories, ang Seaoil Philippines Corp. kag Shell Pilipinas Corp. ang magapanubo sang P0.80 kada litro sang gasolina; P0.20 sa kada litro sang Diesel kag P0.50 sa kerosene.
Magapatuman naman ang Cleanfuel sang pareho nga adjustment magluwas sa kerosene nga wala sa ila nga produkto.
Nagtake effect ang price adjustment kaina alas 6:00 ang takna sang aga.
Una na nga gin-project sang Department of Energy-Oil industry Management Bureau (DOE-OIMB) ang pagnubo sang presyo sang gatong bangud sang liwat nga pagbukas sang refineries kag ports sa US Gulf Coast, kag ang ginaduso nga mga taripa ni US President Donald Trump.
