Presyo sang gasolina, nagsaka sang 70 sentimos kada litro; diesel, nagnubo sang P1.15 kada litro

Atensyon sa mga motorista nga nagagamit sang gasolina, madugangan naman ang kabudlayan matapos nga nagpatuman sang price hike samtang pagnubo naman sa diesel kag kerosene subong nga semana.

Sa separado nga advisories, ang Seaoil Philippines Corp. kag Shell Pilipinas Corp. ang nagpasaka sang P0.70 sa kada litro sang gasolina samtang sa diesel magapanubo sang P1.15 sa kada litro kag kerosene sang P0.90 sa kada litro.

Ang Cleanfuel ang magapatuman sang pareho nga adjustment magluwas sa kerosene nga wala sa ila produkto.

Nagtake effect ang price adjustment alas 6:00 ang takna kaina sang aga sa tanan nga firms magluwas sa Cleanfuel nga nagapatuman sang price adjustment alas 8:01 subong man nga aga.