Ginpasaka na sa Senado ang impeachment complaint batok kay Vice President Sara Duterte matapos nga 215 ka mga House Representatives ang nagboto pabor sa impeachment.
Una na nga ginkumpirmar ni House Secretary General Reginald Velasco nga nakatipon ang House of Reresentative sang nagakaigo nga pirma agud iduso ang ikaapat nga impeachment complaint batok kay Vice President Sara Duterte.
Gin-anunsyar ni Velasco nga kapin 153 ka mga mamalidha ang nagpirma sa complaint kun sa diin nalapawan ang required threshold nga 102 signatures nga equivalent sa one-third sang House membership nga nagapahanugot nga ang kaso ang matransmit sa Senado para sa trial.
Dugang pa sini nga ang nasambit nga proseso ang igaformalize sa plenary session.
Ang impeachment effort ang gindihon kasunod sang gina-alegar nga misuse of confidential funds.
Samtang dismayado naman si Davao City First District Representative Paolo Duterte sa pagdayon sang impeachment batok sa iya magulang nga si Vice President Sara Duterte.
