Ginkumpirmar sang chairperson sang committee on markets sa Sangguniang Panlungsod sa ciudad sang Bacolod nga kapin 3,000 na ang food vouchers para sa SM Manokan ang narelease sang ciudad.
Suno kay Bacolod City Councilor Celia Flor, liwat sini nga gina-athag nga ang vouchers ang bulig sang alkalde para sa mga tenants nga nagsaylo na sa temporary stalls gani gina-engganyo sini ang mga pumuluyo nga magkaon didto.
Apang suno kay Flor, ang naclaim nga vouchers sa karun ang wala pa makadangat sa isa ka libo.
Nagapanawagan ang konsehal sa mga nakabaton nga i-avail na sang mga ini ang vouchers bangud ini ang valid lamang sa February 16, 2025.
Samtang ang pag-board up sa nasambit nga lugar ang natalana sa February 21 kag wala na ang ciudad nagpasugot nga i-extend pa ini sa February 28 kasunod sang mga ayo sang iban nga tenants.
