Nagtaliwan na ang kilala nga Chef nga si Margarita Fores, siya ang ginkilala man bilang Asia’s Best Female Chef sang 2016, sa Hong Kong.
Siya ang nasapwan nga unresponsive sa hotel room sini matapos nga wala magtambong sa natalana nga lunch meeting, apang wala na gindisclose pa ang rasun sang iya kamatayon.
Si Fores nga tumandok sang Bago City, ang pioneer figure sa gastronomy kag champion sa Filipino cuisine.
Siya ang nagbilin sang indi malimtan nga legasiya sa culinary world.
Sa official facebook page sang Bago City nga The Citybridge (Bago City Newsletter), ginpalab-ot ni Bago City Mayor Nicholas Yulo ang iya kasubo sa hinali nga pagtaliwan sang Bagonhon pride.
Suno diri, iya nakilala si Fores ukon mas kilala sini bilang Gaita, nga isa ka babayi nga apisar sa accomplishments sa kabuhi kag masako nga schedules, wala gid nagakalipat s iya nga hometown.
Pahayag sini sadto nga ang nasambitan nga butang ang nabalon sini nga advice gikan sa iya lolo nga si Don J. Amado Araneta.
Suno kay Yulo, sang 2026, ginselebrar pa sang ciudad ang iya nga achievement kadungn sang golden anniversary, kun sa diin ginhatag sa iya ang pinakamataas nga award nga mahatag sang ciudad sa ila pumuluyo.
Ang alkalde ang naga-unong sa tanan nga nagapalangga kag nagakalisod sa pagkadula ni Fores.
Kag upod sa tanan nga mga Bagonhon, nga iya kasimanwa, sila ang nagahatag sang pangamuyo kag pag-unong sa nalisdan nga pamilya kadungan sa pasalig nga ini ang magapabilin sa tagipusuon.
