Ginalantaw sang legal counsel sang tag-iya sang duta nga si Paul Chang nga mahimo orchestrated ang pagpanaya kag pagpalupok sang armas-luthang sang ginapahayag nga gwardiya sang duta sang kliyente sini sa Hacienda San Antonio 2, Barangay Dos Hermanas, Talisay City, Negros Occidental.
Sa interview sang Bombo Radyo Bacolod kay Atty. Robert Torres, Counsel and spokesperson for Hacienda San Antonio Dos Management, sang naglupok ang issue nakibot ini bangud wala nakaproper uniform ang nagpanaya kag nagpalupok sang armas luthang.
Suno kay Torres, ginpamangkot niya ang operations kun ila gid man security guard sa idalom sang security agency nga ginhire nila.
Suno diri, nakibot sila bangud ang instruction nila sa gwardiya amo ang maximum tolerance samtang ginaproteksyunan ang propedad.
Dugang pa sini nga humalin sang Nobyembre wala man sang insidente nga natabo kag ginasaway lang man ang mga pumuluyo kag gulpiyada lang may natabo nga insidente.
Suno kay Torres, sang pagwa sang pangalan nga Jose Aluntaga Jr., ginpangita sini sa listahan sang mga security guards kag didto niya naverify nga indi security sang hacienda apisar man nga una pa lang nakahibalo na ini bangud wala nakauniform.
Suno kay Torres, ibilin nalang sini nga palamangkutanon sa paminsaron sang mga pumuluyo kag tagpalamati kun paano ginkuha ang video sang pagpanaya kag pagpalupok sang armas-luthang sang nasambit nga persona.
Suno diri duha lang man ka bagay ang makita sa insidente isa diri ang tama kaisog nga magkuha sang video apisar nga nagatiniruhay na ukon ginalauman na nga daan nga may yara sang magluntad nga insidente.
Ginpahayag man sini nga ang ginkuhaan sang ebidensya nga naniro ang mahimo mamintas kun indi maluyag nga madakpan apang makita sa video nga ginpabay-an lang nga makuhaan sang video.
Ang kampo sang tag-iya ang nagaupod sa imbestigasyon sang mga kapulisan sang Talisay City thoroughly santo man sa mando sang provincial command kag nagatanyag pa sang padya nga P10,000 sa mga katudlo kun sa diin si Aluntaga agud nga matinluan ang pangalan sang kliyente sini.
