Gintay-og sang 5.6 magnitude nga linog ang Eastern Samar subong nga gab-i suno sa Philippine Institute of Volcanology and Seismology (PHIVOLCS).
Ang sentro sang linog nga nabatyagan alas 8:50 ang takna sang gab-i ang yara sa kadagatan sang Eastern Samar.
Ang linog ang tectonic in origin kag ini ang may kadalumon nga 10 kilometers.
Nabatyagan ang Intensity III sa Palo, Leyte samtang Instrumental Intensity III ang nabatyagan sa Can-Avid, Eastern Samar;
Leyte, Carigara, Dulag kag Abuyog sa Leyte; kag Gandara sa Samar.
Intensity II ang naeksperyensyahan sa Burauen kag Kananga, Leyte; Villearal, Basey kag Marabut sa Samar.
Samtang, sa Naval, Biliran; Isabel, Leyte; Mapanas, Northern Samar; kag Sogod, Southern Leyte ang naeksperyensyahan naman ang Intensity I.
Nagpaandam naman ang Phivolcs sa posibilidad sang aftershocks.
