Wala untat ang pagbulig sang Office of Civil Defense sa mga biktima sang bulkan Kanlaon kag sa mga preparasyon pananglitan nga magsaka sa alert level 4 ang status sini.
Sa interview sang Bombo Radyo Bacolod kay OCD Region 6 Director Raul Fernandez, may yara sa gihapon sang volcanic tectonic earthquake nga nagakamonitor sa bulkan kag padayon ang pagbuga sini sang sulfur dioxide samtang yara ini sa gihapon sa alert level 3.
Suno diri, santo sa statement sang Philippine Institute of Volcanology and Seismology (PHIVOLCS) lauman ang major eruption sa bulkan kun sa diin posible nga may yara sang matabo nga lava flow.
Dako naman ang pagpasalamat ni Fernandez sa PHIVOLCS sa madasig nga pagpalapta sang mga imporamasyon angot sa aktibidad sang bulkan.
Kasubong man nga ginpasalamatan sini ang pagtindog sang Local Government Units kag Provincial government bilang frontliners sa natabo nga mga eruption.
Nagapasalig naman si Fernandez nga nagatindog bilang task force commander response nga padayon ang ila pagsuporta sa mga LGUs kag probinsya kasubong man sa mga biktima sang paglupok sang bulkan Kanlaon.
