Desidido nga magpasaka sang kaso ang amay sang lapsag nga napatay sa Bago City Hospital sang Pebrero 18, 2025.
Sa intervew sang Bombo Radyo Bacolod kay Patrick Saylo, ginpatawag na sila sang fact finding team sang Bago City Government nga ginapangunahan sang Bago City Legal Officer, konsehal sang ciudad kag sang katapo man sang Bago City Hospital.
Suno kay Saylo ginsaysay sini liwat ang natabo sa iya asawa antes pa man napatay ang bata.
Suno diri, luyag niya nga mapadasig ang ginapatigayon nga fact finding sang ciudad agud nga mahibaluan gid kun ano ang natabo kag sin-o ang manabat sa kamatayon sang lapsag.
Dugang pa sang amay nga ang iya asawa matapos makabata ang ginsaylo sa hospital agud nga mahatagan sang nagakaigo pagbulong matapos nga nagreklamo ini nga nagasinakit ang tiyan kag nagasululuka.
Ginrefer ang asawa sini sa Queen of Mercy Hospital sa ciudad sang Bacolod kag didto gindapatan sang nagakaigo nga pagbulong tubtob nga maumpawan.
Ginpahayag man sini nga wala sini nabayaan nga mag-isahanon ang iya asawa bangud nagakadumduman gid sini ang natabo sa ila makaluluoy nga bata.
Ang ila lapsag ang may pilas pa sa guya kag gin-alegar man sini nga nalate ang doctor kag ang nagpabata lamang sa iya asawa amo ang handa ini nga magpasaka sang kaso kag pasabton ang dapat manabat sa natabo sa ila ikatatlo kuntani nga anak.
Nagpanawagan ini sang mas madasig nga imbestigasyon kag nagpanawagan man ini sa pila ka mga empleyado sang Bago City Hospital nga kay-uhon man ang paghatag sang serbisyo sa mga pasyente.
