Gina-imbestigaran na sang Philippine National Police (PNP) ang mga sirkumstansya sa palibot sang gin-report nga donation sang gina-alegar Chinese spies sa duha ka police forces kag isa ka local government unit (LGU).
Suno kay PNP-Criminal Investigation and Detection Group (CIDG) chief Major General Nicholas Torre III, sa nahibaluan sini, nagmando na ang chief PNP nga imbestigaran ang nasambit nga butang.
Ginpangayuan si Torre sang iya komento may kaangtanan sa exclusive report sang reuters nga may kaangtanan sa tatlo ka Chinese nationals nga gin-akusaran sang espionage, nga bilang lider sang socio-civic groups, nagdonar sa ciudad sang Tarlac kag duha ka police forces.
Suno kay Torre, ini ang posible nga kawsa sang inquiry kag imbestigasiyon sa bahin sang mga kapulisan ilabi na ang internal mechanisms nga may kaangtanan sa donasyon nagikan sa foreign entities.
Suno pa diri, ang nasambit nga exposé ang mga maga-trigger sang “closer scrutiny” sang aktibidad sang foreign socio-civic groups sa pungsod.
Sa pihak sini, ginpahayag sang opisyal nga ang PNP ang may guidelines kag protocols sa pagbaton sang foreign donations.
